口技（中）

因為有這樣爭議的討論，令到這個向來沉悶的論壇帶來一點生氣，
這次出奇地有很多人回應這一議題，
我自己也大有興趣，特地寫了一篇針對性回應給他……


　　我以前同你一樣，唔鐘意用電腦整出黎既聲做音樂，
　　因為好難控制到感情。今日我都會咁講，
　　但係有一樣野不得不提，好難控制唔代表無得控制，
　　我聽過一個好pro既鍵琴手用電腦聲玩電結他，
　　如果你合埋雙眼聽，一時真係分唔出係真結他定點。

　　至於你所講既以音樂來帶出感情，
　　我夠可以話蕭邦首Nocturne Op.9 No.2黎黎去去都係ABAB咁去，
　　無黎變化之餘淨係識以大細聲黎控制所謂感情，
　　I am Sorrie，我個人唔係好覺。
　　但我又想問問，呢首歌真係無感情嗎？會唔會只係我聽唔出呢。
　　須知令弧沖獨孤九劍有說『任何武功皆有破綻，
　　不見有破綻不代表沒有破綻，只是你看不出而已。』
　　同一道理放在音樂，倒可講得通。

　　至於你話最好請Bobby McFerrin同Aaron Neville試唱三大男高音既歌，
　　我話不如調轉丫，叫三大男高音試下學佢地玩聲丫，
　　我都好想知道邊一方好聽D。

　　你認為唱K既人大多無感情，
　　佢地係屬於唔曉得運用聲線黎表達感情一類，
　　唔代表佢地無感情。好多人走晒音咁唱失戀歌，
　　歌詞寫中自己心聲，唱唱下唱到流眼淚呢D眼淚唔通唔係感情？
　　你話過癮、興奮唔係感情？勞煩你話我知、乜野先叫感情喇……

　　Bobby McFerrin寫既詞感唔感人就唔論到我話事，
　　但佢首《Don't Worry, Be Happy》我就聽左差唔多十幾年都未聽厭。
　　朋友，你又點睇呢？自於Wynton Marsalis，
　　佢根本無乜點標榜佢既Scat skill，
　　如果你有聽倫永亮做嘉賓果集果一個scat既話，
　　我可以話你聽，果個根本係Live performance而非Studio record，
　　相信係佢玩現場表演時一時興起放底佢既小號實行『玩野』，
　　原先可能無稔過要玩Scat。我就覺得好好Feel，
　　你就一味話無感情無感情……你似乎就黎忘記聽音樂既樂趣呢。

　　有時有好多野唔需要太執著。我舉一個例。
　　我個人極唔喜歡Fusion Jazz，有一次主持播Fusion Jazz既音樂，
　　我當時係希望『唔該快D完啦~~』﹔
　　但係，如果你聽Santana既音樂，你會發現佢雖然以Rock自，
　　但佢玩既音樂好『藍』之餘仲好『Fusion』。
　　不過我會同大家講，我勁鐘意Santana。點解呢個情形可以發生？

　　音樂係一個可以你想點就點既東西，
　　你可以喜歡，亦可以唔喜歡，
　　鐘意聽Scat或Vocalese聲可以有好多理由，
　　可以係因為好少聽到覺得好新奇，
　　亦可以因為聽落令人開心舒暢等，
　　你覺得呢類音樂唔岩你胃口，
　　同我唔鐘意Fusion Jazz一樣，無問題。

　　但係，你唔可以因為自己唔喜歡就一口咬定呢類音樂係劣作，
　　咁樣你只會惹人覺得你唔識尊重音樂，為批評而批評。
　　須知你要人等認同你，就要擺出令人信服既態度，
　　慢慢同人講解你既聽感。
　　我行年廿四聽音樂唔係好多，當然無呢個態度，
　　所以我從來無稔過你會認同我，
　　呢篇長篇大論純為俾你從另一角度睇下，乜野係『為批評而批評』。

　　請多多指教~~

待續……